Ég ætla hlaupa mitt fyrsta hálf maraþon fyrir Sindra vin minn ❤️

Síðustu fimm ár hef ég átt þann heiður að þekkja yndislega Sindra, sem með hugrekki sínu, húmor, góðvild og glaðlyndi hefur haft mikil áhrif á líf mitt. Þrátt fyrir að mæta áskorunum sem flest okkar geta varla ímyndað sér, hefur Sindri alltaf sýnt ótrúlegan andlegan styrk. Fæddur með Warburg Micro Syndrome, sem hefur fært honum áskoranir eins og sjónskerðingu, einhverfu og lága vöðvaspennu, hefur Sindri farið í gegnum lífið með ósigrandi vilja.

Í lok september 2023 varð hann fyrir mænuskaða vegna aðgerðar á Landspítalanum sem leiddi til varanlegrar lömunar fyrir neðan axlir. Í kjölfarið veiktist Sindri alvarlega og var í 2 mánuði á gjörgæsludeild. Sindri, sem áður rúllaði sér út um allar trissur í stólnum sínum, er nú háður lyfjum og tækjum og þarf umönnun allan sólarhringinn. Saga Sindra er ekki aðeins saga áskorana heldur einnig saga um gleði og auðugt líf sem hefur blómstrað af ást, stuðningi og ákveðni. Líf hans, fyllt með prakkara hlátri og hamingju, lýsir upp lífið hjá öllum sem eru það heppnir að þekkja Sindra. Þrátt fyrir mótlæti þá skín seigla Sindra björtust.

Við, Vinir Sindra, viljum safna áheitum í Reykjavíkurmaraþoninu til að styrkja Sindra á þessum erfiðu tímum. Upphæðin sem safnast rennur öll í Hjálpartækjasjóð Sindra og verður nýtt til að styrkja Sindra í öllu því sem eykur lífsgæði hans og hamingju í lífinu.