Andrea:

Ég heiti Andrea Ýr, stelpumamma, eiginkona, hjúkrunarfræðingur, stjórnarkona FKA, Skagakona og glimmer-prumpandi-einhyrningur! :D

Ég er formaður TeamTinna og mun hlaupa í skemmtiskokkinu í þriðja skiptið með TeamTinna hópnum. 

Ég hleyp fyrir Tinnuna mína, vinkonu sem ég missti í febrúar 2023 vegna krabbameins í ristli. Hún var mér mjög kær og skilur hún eftir sig stórt skarð í mínu lífi og margra annara ♡ Ég geri mitt besta í að heiðra minningu hennar með því að dreifa gleði, jákvæðni, litum og FULLT AF GLIMMERI (næstum) hvert sem ég fer. 

Ég mun passa einstaklega vel upp á að TeamTinna hópurinn verði extra BLEIKUR, með ennþá meira GLIMMER (ef það er hægt) og vera ennþá meiri stuðboltar! 

Við munum sko ekki fara fram hjá neinum!!! :D

Fyrir Tinnu ♡

Aríela:

Ég heiti Aríela og er að hlaupa með TeamTinna fyrir Tinnu. Mér fannst Tinna mjög skemmtileg, góð og fyndin. Hún kom alltaf í afmælið mitt og hún átti dótabúð sem hét Dótarí.

Mér finnst froðan skemmtilegasti partur af hlaupinu og poppið :)

Yrja:

Ég heiti Yrja. Ég er 6 ára. Mér fannst Tinna ótrúlega skemmtileg og búðin hennar líka. Hún var mjög góð vinkona mömmu minnar. Ég ætla að hlaupa með TeamTinna fyrir Tinnu ♡

Froðan og poppið er líka uppáhaldið mitt :D