Styrktarfélag Alexöndru P. Barkardóttur

Ég ætla að taka þátt í skemmtiskokki í Reykjavíkurmaraþoni Íslandsbanka. Í leiðinni langar mig að safna áheitum fyrir málefni sem stendur mér nærri, systur mína Alexöndru. Alexandra greindist með illvígt brjóstakrabbamein á meðgöngu árið 2021.

Eftir lyfjameðferðir og aðgerð á meðgöngu, þar á eftir fleiri lyfjameðferðir og geisla átti hún að vera læknuð af krabbanum. Rúmum 3 mánuðum síðar greindist hún með 4 stigs brjóstakrabbamein, þ.e.a.s. meinvörp sem hafa dreift sér um líkamann. Þríneikvætt brjóstakrabbamein er verulega illvígt krabbamein og fáar lyfjameðferðir í boði. Hér á landi er takmörkuð reynsla á hvernig eigi að meðhöndla þessa gerð af krabbameini og því ákvað hún að leita til sérfræðinga erlendis og kostaði það algjörlega sjálf. Meðferð hennar, val á lyfum, og fleira hefur ráðist meira og minna á því sem sérfræðingar erlendis hafa ráðlagt.

Tilgangurinn með söfnuninni er að létta á fjárhagslegu álagi fjölskyldunnar. Þegar hún greinist voru þau að flytja í íbúðina sína, Alexandra nýútskrifuð úr læknisfræði með námslán á bakinu og maðurinn hennar tiltölulega nýbúinn með námið sitt, ásamt því að eiga von á barni. Viðurkenndar aðferðir (lyfjameðferðir) sem eru í boði fyrir hana strokast hratt út af listanum þar sem flestar hafa ekki virkað. Því horfir Alexandra nú til óhefðbundinna lækninga sem hana langar til að bæta við núverandi meðferð sína. Þær eru kostnaðarsamar og mun fjáröflunin veita henni tækifæri til þess að láta á þær reyna.

Einnig er kostnaðarsamt að fá ráðgjöf erlendis frá og fer að koma að slíkri ráðgjöf aftur. Ásamt því að vera með litlu dóttir sína, sem er nú orðin 2 ára, hefur Alexandra ekki getað unnið samhliða öllum þeim lyfjameðferðum, aðgerðum, myndgreiningum og sjúkrahúsinnlögnum sem hún hefur gengist undir síðastliðin rúm 2,5 ár.

Það er ljóst að verkefnin eru mörg og áskoranirnar miklar. Öll framlög fara í þann kostnað sem fylgir meðferðinni, gerir henni kleift að halda áfram að leita til sérfræðinga erlendis ásamt því að bæta við meðferðum sem eiga möguleika á að lengja tíma hennar með fjölskyldu sinni.

Ég hleyp fyrir styrktarfélag Alexöndru P. Barkardóttur.

Því bið ég ykkur að heita á mig og leggja ykkar að mörkum til að auðvelda þeim áframhaldandi baráttu! Margt smátt gerir eitt stórt!

Styrktarreikningur:

Banki: 0515 -14 - 009130

Kt. 410824-0350