Skráning fer fram hér á vefnum og hægt er að skrá sig til keppni hér.

Í Reykjavíkurmaraþoni Íslandsbanka verður gerð tilraun með keppni í hjólastólaflokki í hálfu maraþoni ef næg þátttaka næst. Keppnin er bundin við keppnishjólastóla (racing wheelchair) í opnum flokki T51-T54. Umsóknarfrestur rennur út 1.ágúst. 

Lágmarksfjöldi þátttakenda til að keppnin verði haldin er þrír þátttakendur í flokki.  

Fatlaðir þátttakendur í Reykjavíkurmaraþoni Íslandsbanka geta haft með sér einn fylgdarmann í hlaupinu sér að kostnaðarlausu ef þeir óska þess. Fylgdarmaður fær merkingu sem sýnir að hann megi vera á hlaupabrautinni en hann fær ekki tíma, bol eða önnur gögn hlaupsins. Fylgdarmaður fær afhent sérmerkt þátttökumerki á úrlausnaborði á skráningarhátíðinni.

Allir þátttakendur í Reykjavíkurmaraþoni Íslandsbanka eru á eigin ábyrgð. Hlaupabrautin er ekki alveg lokuð umferð og því mikilvægt að sýna aðgát. Auk þess er vakin athygli á því að hlaupabrautin getur verið á köflum erfið yfirferðar fyrir hjólastóla. Má þar nefna hraðahindranir, gróft undirlag og misfellur sem geta verið varasamar. Af öryggisástæðum þurfa þátttakendur í hjólastólum eða með önnur hjálpartæki að vera aftast í upphafi hlaups.

Allir þátttakendur fá verðlaunapening þegar þeir koma í mark í Reykjavíkurmaraþoni Íslandsbanka og fá skráðan tíma hafi þeir tekið þátt í vegalengd með tímatöku.

Verðlaun verða fyrir 1-3 sæti karla, kvenna og kvára ef næg þátttaka næst.