HD-Samtökin á Íslandi eru stuðningssamtök fyrir sjúklinga og fjölskyldur sem berjast við Huntingtons sjúkdóminn, stofnað 2 2, 2022. 

Tilgangur félagsins er að vinna að auknum lífsgæðum og velferð þeirra sem haldnir eru Huntingtons sjúkdómnum eða erfðagreindir með því að veita þeim og aðstandendum þeirra stuðning og stuðla að öflugri félags- og fræðslustarsemi. Samtökin vinna að því að tryggja meira fjármagn til sjúklinga, fjölskyldna og rannsókna.

Huntingtons er talinn einn grimmasti sjúkdómur sem maðurinn þekkir, og engin lækning er við honum í dag. Sjúkdómurinn berst frá kynslóð til kynslóðar og hefur áhrif á líf fjölskyldna á djúpstæðan hátt. Með framförum í erfðafræði og lyfjarannsóknum geta erfðagreindir einstaklingar átt von á mun betri framtíð en fyrri kynslóðir.

Samtökin hvetja einstaklinga sem verða fyrir áhrifum af Huntington-sjúkdómnum, aðstandendur og aðra áhugasama til að skrá sig í félagið og njóta þannig góðs af því sem við höfum upp á að bjóða, sjá https://www.huntington.is.

Við erum með facebook síðu https://www.facebook.com/Huntingtonisland/  þar sem hlauparar sem hlaupa fyrir félagið í Reykjavíkurmaraþoni Íslandsbanka, tilkynna sig. Við vonumst til að sjá sem flesta hlaupara þar inni. 

Eflum von í baráttunni gegn Huntington sjúkdómnum!