Þessi hópur hleypur í minningu Bjarteyjar Kjærnested Jónsdóttur. Bjartey greindist með illvígt heilaæxli í júni 2021 og lést úr því í apríl 2022 aðeins 11 ára gömul. Á meðan meðferð stóð naut Bjartey og fjölskylda hennar einstakrar þjónustu Barnaspítala Hringsins og starfsfólks hans. Bjartey var einstaklega góð manneskja, hjartahlý, skapandi og skemmtileg. Hún barðist hetjulega og af miklu æðruleysi við sjúkdóm sinn og var sönn hetja og fyrirmynd.  Markmið okkar er að heiðra minningu Bjarteyjar sem var mikil íþrótta- og hlaupastelpa og um leið láta Barnaspítala Hringsins njóta góðs af.