Ég ætla að taka þátt í Reykjavíkurmaraþoninu til að halda minningu sonar míns, Hjalta Þórs á lofti, en Hjalti féll fyrir eigin hendi 15. desember 2023. Hjalti Þór var í doktorsnámi í stærðfræði við ETH í Zürich í Sviss, þegar hann lést og átti aðeins lítið eftir til að ljúka því námi. Ég stofnaði sjóð til minningar um Hjalta skömmu eftir að hann lést og er sá sjóður ætlaður að styðja efnilega stærðfræðinga til frekara náms í stærðfræði. Við veittum í fyrsta skipti úr sjóðnum þann 4. janúar sl. og stefnum á að veita aftur úr sjóðnum í byrjun árs 2026. Mér þætti vænt um ef þú sæir þér fært um að styðja við sjóðinn minn og hjálpa mér þannig að halda minningu elsku Hjalta Þórs á lofti. Kærar þakkir fyrir stuðninginn, Heiður.