Í ár hlaupa starfsmenn Janusar heilsueflingar til góðs fyrir Alzheimersamtökin. 

Samtökin vinna mikilvægt starf fyrir einstaklinga með heilabilun og aðstandendur þeirra. Við verðum mikið vör við slíka sjúkdóma í okkar starfi, bæði þar sem þátttakendur hafa sjálfir verið að greinast með heilabilun en einnig eru margir þátttakendur sem eiga maka með heilabilun. Í samtölum okkar við þessa einstaklinga höfum við fundið fyrir því hversu vel samtökin hafa reynst þeim og því viljum við styðja það mikilvæga starf.