Við Hvolpasveitin ætlum að hlaupa fyrir elsku pabba / tengdapabba / afa / tengdaafa og langafa okkar sem greindist með alzheimer 69 ára gamall. Pabbi hefur alla tíð verið mikill íþróttamaður og hugsað vel um líkama og sál og gerir enn eftir bestu getu. Pabbi var svo heppinn að komast í dagþjálfun í Hlíðarbæ. Þar unir hann hag sínum vel þess á milli sem hann nýtur samveru með konu sinni, fjölskyldu og vinum. Við getum ekki lýst því hvað við erum ánægð með það starf sem fram fer hjá bæði alzheimersamtökunum og Hlíðabæ.

Við fjölskyldan ásamt pabba ætlum að hlaupa saman, njóta samverunnar og styrkja alzheimersamtökin. Alzheimersamtökin er félag aðstandenda og velunnara einstaklinga með heilabilun. Markmið samtakanna er að gæta hagsmuna skjólstæðinga sinna, efla samvinnu og samheldni aðstandenda.

Málefnið er mikilvægt og snertir okkur öll. Okkur þætti óendanlega vænt um ykkar stuðning og vonum að þið heitið á okkur sem verður svo sannarlega mikil hvatning.