Við erum ótrúlega heppin að eiga börn með Downs-heilkenni í starfsmannahópnum okkar og höfum séð hvað félagið vinnur mikilvægt starf fyrir börn og foreldra/aðstandendur :)

Downs-heilkenni er hvorki sjúkdómur, röskun né læknisfræðilegt ástand. Rangt er að segja að fólk með Downs-heilkenni „þjáist af því”. Það er algeng alhæfing að segja að fólk með Downs-heilkenni sé alltaf ástúðlegt, brosandi eða glatt. Það er langt frá því að allir með Downs-heilkenni séu eins, breytileikinn innan hópsins er reyndar sambærilegur við það sem gengur og gerist hjá öllum almenningi.

Félagið stendur fyrir ýmsum viðburðum, bæði sjálfstætt og í samvinnu við aðra. Má þar nefna fræðslufundi, ráðstefnur og skemmtanir. Heimasíða félagsins er www.downs.is Allt starf félagsmanna í þágu félagsins er unnið í sjálfboðavinnu.

Stuðningur ykkar allra gerir félaginu kleift að berjast fyrir bættri stöðu Íslendinga með Downs-heilkenni og vera málsvarar þeirra.