Hlaupahópur
Hlaupakraftur Sóleyjar ✨
Hleypur fyrir Kraftur, stuðningsfélag fyrir ungt fólk sem greinst hefur með krabbamein og aðstandendur
Samtals Safnað
Markmið
takk fyrir stuðninginn!
Elsku besta og duglegasta Sóley okkar greindist með illkynja brjóstakrabbamein þann 9.mars síðastliðinn, nokkrum vikum fyrir 27 ára afmælið. Hún hefur frá degi eitt sýnt hversu mikil hetja og mögnuð hún er og er hún að tækla þetta erfiða verkefni eins og algjör herforingi. Í dag er hún hálfnuð með lyfjameðferð og fékk hún þær dásamlegu fréttir í vikunni að lyfjameðferðin er að ganga vel.
Við vinkonurnar og aðstandendur hennar Sóleyjar ætlum að hlaupa fyrir hennar hönd í Reykjavíkurmaraþoninu til styrktar Krafts sem er stuðningsfélag fyrir ungt fólk sem greinst hefur með krabbamein og aðstandendur. Kraftur tók strax rosa vel á móti Sóley okkar og erum við afar þakklát fyrir það og er frábært að slíkt félag sé til staðar til að styðja við fólk sem er að ganga í gegnum svona stór og krefjandi verkefni.
Við að sjálfsögðu hvetjum alla sem geta að heita á okkur og styrkja þetta góða og þarfa málefni! Margt smátt gerir eitt stórt ❤
Kraftur, stuðningsfélag fyrir ungt fólk sem greinst hefur með krabbamein og aðstandendur
Kraftur styður við bakið á ungu fólki með greinst hefur með krabbamein á aldrinum 18 – 40 ára og aðstandendur. Kraftur heldur úti jafningjastuðningi, hagsmunagæslu, öflugri fræðslu, samveru á jafningjagrunni, veita hagnýtar upplýsingar auk þess sem félagið styður við félagsmenn sína með fjárhagslegum stuðningi. Kraftur er góðferðarfélag sem nýtur eingöngu frjálsra framlaga frá velunnurum sínum.
Hlauparar í hópnum
Nýir styrkir
