Ég hleyp til að styrkja tónlistarsumarbúðir fyrir stúlkur í Tógó í Vestur-Afríku, en samtökin Læti! / Stelpur rokka! hafa fjármagnað búðirnar og stutt við þær með sjálfboðavinnu undanfarin ár. Fyrstu Tógó-rokkbúðirnar voru haldnar árið 2016 og hafa þær farið stækkandi með hverju sumri, nú taka yfir 50 stúlkur þátt í hvert sinn. Markmiðið er að efla starfið enn frekar og gera rokkbúðunum í Tógó kleift að halda áfram að þróast í takt við aðstæður og þarfir stúlkna þar í landi.

Gerum ungum tógóskum stúlkum kleift að hafa rými til tónlistarsköpunar, rými sem er oftast ætlað drengjum, og sköpum jákvætt, styðjandi og hvetjandi andrúmsloft þar sem þær geta tjáð sig frjálslega!