Tilvera er hagsmuna- og félagsamtök fyrir fólk sem glímir við ófrjósemi en talið er að einn (1) af hverjum sex (6) eigi við ófrjósemi að stríða. Ófrjósemi tekur mjög á andlega og líkamlega fyrir þann sem á í hlut, svo ekki sé talað um fjárhagslega eða áhrif á hjónabandið/sambandið sé um par að ræða.

Markmið Tilveru er að vera málsvari fólks sem á við ófrjósemi að stríða og gætir hagsmuna þeirra, veitir almenna fræðslu, heldur úti mánaðarlegum stuðningsfundum meðal jafningja, félagið býður upp á ókeypis símaráðgjöf hjá sálfræðingi og styður eftir fremsta megni félagasmenn sína.

Að auki er félagið með styrktarsjóð sem notaður er til að styrkja félagsmenn í óniðurgreiddum meðferðum.

Á heimasíðu samtakanna má finna gagnlegar upplýsingar auk þess sem félagið er með virka spjallhópa á Facebook.