SOS Barnaþorpin eru fyrst og fremst barnahjálparsamtök sem veita munaðarlausum og yfirgefnum börnum staðgengil fyrir þá fjölskyldu sem þau hafa misst. Rík áhersla er lögð á að börnin alist upp í ástríku fjölskylduumhverfi og að réttindi þeirra séu tryggð. Samtökin hafa beina um­sjá með um 70.000 börn­um og ung­menn­um all­an sól­ar­hring­inn og reka yfir 500 barna­þorp og hundruð önn­ur sam­bæri­leg umönn­unar­úr­ræði.

Auk þess standa SOS Barnaþorpin fyrir umfangsmiklu forvarnarstarfi sem kallast Fjölskylduefling SOS. Í fjöl­skyldu­efl­ingu tök­um við fyrstu skref­in með fjöl­skyld­um út úr sára­fá­tækt svo þær get­ið stað­ið á eig­in fót­um og veitt börn­un­um bjarta fram­tíð. Markmiðið er að börnunum líði vel og að koma í veg fyrir aðskilnað þeirra og foreldranna.

SOS Barnaþorpin reka fjölda leikskóla, grunnskóla, verknámsskóla, ungmennaheimila, samfélagsmiðstöðva, heilsugæslustöðva auk þess að sinna neyðaraðstoð. Samtökin sinna líka ýmsum umbótaverkefnum í formi mannúðar- og þróunaraðstoðar, allt í þágu velferðar barna.

SOS Barnaþorpin starfa í yfir 130 löndum og landsvæðum óháð stjórnmálum og trúarbrögðum.