Heyrnarhjálp er landssamtök þeirra sem eru heyrnarskertir, hafa misst heyrn að hluta eða alveg, þeirra er þjást af eyrnasuði og öðrum vandamálum er snúa að heyrn. Að félaginu koma líka aðstandendur og aðrir áhugamenn um málefni heyrnaskertra.

Félagið var stofnað 14. nóvember árið 1937.

Nokkur af markmiðum Heyrnarhjálpar:

• að gæta hagsmuna félagsmanna

• að efla skilning bæði innan félagsins og utan þess á heyrnarfötlun

• að hvetja til heyrnarverndar

• að fylgjast með framförum og nýjungum, efla notkun hjálparbúnaðar og þar með að bæta aðgengi heyrnarskertra að samfélaginu

• að viða að okkur fræðsluefni er tengist heyrnarfötlun

• að gefa út fréttabréf með fræðslu og kynningarefni

• að gefa út bæklinga af ýmsu tagi