Ég ætla að hlaupa hálft maraþon í Reykjavíkurmaraþoninu sem undirbúning fyrir stærra hlaupamarkmið í september. Að þessu sinni hleyp ég fyrir Hjalta Þór Ísleifsson sem féll fyrir eigin hendi í desember síðastliðnum. Hjalti var afburða námsmaður og átti aðeins eftir síðasta spölinn í doktorsvörn sinni í stærðfræði. Móðir hans og fjölskylda hafa mætt áfallinu með aðdáunarverðu æðruleysi. Ég vil gjarnan leggja mitt af mörkum og safna áheitum fyrir minningarsjóð Hjalta Þórs sem þau hafa stofnað og styrkir efnilega stærðfræðinga til náms. Aurum ykkar verður vel varið ef þið heitið á  mig í þessu verkefni.