Hlauparar
Alfreð Brynjar Kristinsson
Hleypur fyrir Styrktarfélag krabbameinssjúkra barna og er liðsmaður í Team Abra
Samtals Safnað
Markmið
takk fyrir stuðninginn!
Kæru vinir og vandamenn,
Í ár ætla ég að taka þátt í Reykjavíkurmaraþoninu 2024 og hlaupa 10 km.
Ég geri þetta í nafni sonar míns, Kristjáns Leós, sem hefur staðið í ströngu og verið að berjast við krabbamein. Hann er fyrirmynd og fallegur strákur sem á skilið allt það besta.
Kristján Leó hefur sýnt ótrúlega þrautseigju og hugrekki í sinni baráttu. Hann er innblástur fyrir okkur öll og ég vil heiðra hann með þessu hlaupi. Fyrir öll þau börn sem lenda í þessari erfiðu reynslu, vil ég safna peningum til að styðja við að þau fái alla þá aðstoð sem þau þurfa til að sigrast á sjúkdómnum og fá tækifæri til að lifa eðlilegu lífi.
Ef söfnunin okkar nær yfir 1 milljón króna, þá lofa ég að hlaupa heilt maraþon á næsta ári. Það er stór áskorun, en Kristján Leó og öll börn sem þurfa að glíma við slíkan sjúkdóm eru þess virði.
Takk fyrir allan stuðninginn, hvert framlag skiptir máli og hjálpar til við að gera gæfumuninn fyrir þessi börn og fjölskyldur þeirra.
Kær kveðja,
Alfreð Brynjar Kristinsson
Styrktarfélag krabbameinssjúkra barna
Styrktarfélag krabbameinssjúkra barna var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð.
Nýir styrkir
