Hlauparar
Samtals Safnað
Markmið
takk fyrir stuðninginn!
Ég man enn eftir því þegar ég var 11 ára viðstödd opnun Barnaspítala Hringsins með pabba sem var þá upplýsingafulltrúi spítalans. Húsið heillaði mig strax og þá sérstaklega fiskabúrið sem pabbi sagði mér sögur af. Rúmum 20 árum síðar hef ég oft horft á þetta búr með syni mínum á meðan við drepum tímann og bíðum eftir næsta lækni, eða nýtt sem afþreyingu þegar hann hefur legið inni. Húsið er enn jafn magnað og mér fannst það fyrir 20 árum síðan, en nú hef ég kynnst innviðum þess og veit meira um starfsemina. Við hjónin eigum einn langveikan 5 ára sem er reglulega á spítalanum og eignuðumst fyrir rúmu ári síðan tvíbura sem voru fyrirburar. Allt frá vökudeild að barnadeild höfum við kynnst dásamlegu fólki sem vill allt fyrir okkur gera og heldur utan um okkur.
Ég vil því gefa til baka til þeirra og hleyp til styrktar Barnaspítala Hringsins og vona að þú styrkir mig og í leiðinni þessa mikilvægu stofnun.
Barnaspítalasjóður Hringsins, Vökudeild, Hringurinn
Hringurinn er kvenfélag, stofnað 1904. Félagið hefur að markmiði að vinna að líknar- og mannúðarmálum, sérstaklega í þágu barna.
Nýir styrkir