Ég ætla að hlaupa fyrir Minningarsjóð Hjalta Þórs.

Hjalti Þór var framúrskarandi nemi í doktorsnámi í stærðfræði í Zürich, elskaður og dáður af fjölskyldu, vinum og öllum í kringum sig. Því miður þá fylltist hugur hans af ranghugmyndum sem enduðu með því að hann batt enda á líf sitt seinustu jól sem skyldu eftir mikil sorg í líf margra.

Hjalti Þór var sonur Heiðar sem er samstarfskona mín á Nordic Office of Architecture. Eftir þetta mikla áfall hefur Heiður sýnt mikinn dugnað við að tala um mál sonar síns og koma fram í viðtölum og segja frá sögu Hjalta. Heiður hefur einnig stofnað sjóð til minningar sonar síns og það hefur verið gaman að sjá hversu margir ætla að hlaupa fyrir sjóðinn og hversu mikið hefur safnast.

Heiður er samstarfskona sem mér og öllum í vinnunni þykir mjög vænt um og þykir mér það sjálfsagt að hlaupa fyrir fyrir Hjalta og fjölskyldu hans.

Ég vil hvetja alla sem geta til þess að heita á mig fyrir næsta laugardag.